प्रचण्डको गोप्य टेप सार्वजनिकः जितिएन भने बर्वाद ! (अडियोसहित)

भिडियो हेर्न तल क्लिक गर्नुहोस

काठमाडौं, ३ मंसिर । चुनावको मुखैमा एकीकृत नेकपा माओवादीका अध्यक्ष पुष्पकमल दाहाल प्रचण्डको गोप्य ‘अडियो टेप’ सार्वजनिक भएको छ ।

आफू चुनाव उठेको काठमाडौं क्षेत्र नम्बर १० मा कार्यकर्तालाई जसरी पनि चुनाव जित्न भन्दै दिएको प्रशिक्षणको अडियो टेप सार्वजनिक भएको हो ।

जितिएन भने बर्वाद हुन्छ

प्रचण्डले प्रशिक्षणका क्रममा पटकपटक जितिएन भने बर्वाद हुन्छ भन्दै जसरी जित्न कार्यकर्तालाई प्रशिक्षण दिएका छन् । उनले भनेका छन्, ‘हारे बर्वाद हुने स्थिति छ । हरहालतमा जित्नुपर्छ । अहिले पनि हामी लडाईंमा छौं । तपाईं हामीले यो संविधानसभाको चुनाव जित्नै पर्छ, हार्ने हामीलाई छुट छैन ।’

प्रचण्डको गोप्य अडियो सुन्नका लागि यहाँ क्लिक गर्नुहोस:

साम, दाम दण्डभेद सबै प्रयोग गर्नुस्

प्रचण्डले चुनाव जित्नका लागि साम, दाम, दण्ड भेद सबै गर्न निर्देशन दिएका छन् । उनले भनेका छन्, ‘जे गरेर हुन्छ जित्नै पर्छ । यो कुरा नेतृत्वमा बसेका साथीहरूले अलि विचार गर्नुहोला ।’ प्रचण्डले चुनाव जित्नका लागि साम, दाम दण्ड भेद सबै प्रयोग गर्न निर्देशन समेत दिएका छन् । उनले प्रशिक्षणमा भनेका छन्, ‘जे गरेर पनि जित्ने भन्दा आदर्शवादीहरूले त्यस्तो पनि हुन्छ भन्छन् । उनीहरू पैसा बाँडेर पनि जित्ने भन्लान् ?’

अरुले राँगो काट्लान, रक्सी बाँड्लान मोटरसाइकल बाड्लान के–के । यति हामीले सकिएन भने उनीहरूको कब्जा गरेर भएपनि यो तपाईंको हो भन्ने । ’

भोट घट्न पनि हुँदैन

पछिल्लो समय एकीकृत नेकपा माओवादी र उसको नेतृत्व कमजोर र अलोकप्रिय भएको टिप्पणी भइरहेका बेला प्रचण्डले कुनै हालतमा मत समेत घट्न नहुने निर्देशन दिएका छन् । उनले भनेका छन्, ‘१० नम्बर क्षेत्रमा हाम्रो घट्यो भने चाहीँ राम्रो हुँदैन हेर्नुस । त्यो म्यासेज रियाक्सनरीहरूले, देशभित्रकाले र बाहिरकाले पनि जे होस पार्टीको लोकप्रियता घटेकै छ । नेतृत्वको लोकप्रियता घटेकै छ भन्छन् ।’nepalsandesh