Bichitra,
Video
»
बिजनेस क्लासमा मुसाको बथान, बन्यो विश्व किर्तिमान (भिडियो सहित)
बिजनेस क्लासमा मुसाको बथान, बन्यो विश्व किर्तिमान (भिडियो सहित)
हवाइजहाजमा मुसा फेला परेका खबर समय समयमा सुन्ने गरिन्छ । तर एक दुइवटा मुसाले विमानमा सयर गरेको सुन्ने गरिएको थियो । यो पाला त मुसाको ११ सदस्यीय परिवारले बकाइदा हवाइजहाजको विजनेस क्लास सिटमा बसेर हवाइयात्रा गरेको खबर आएको छ । मुसाको यो विदेश यात्राको समाचार हाम्रो देशको भने होइन । हंगकंगबाट चीनका लागि उडेको एक विमानमा एक पोथी मुसा र उसका १० वटा बच्चा फेला परेका हुन् ।
समाचार अनुसार स्वास्थ्य जाँचकर्ताहरुले उक्त विमानमा ११ वटा मुसा फेला पारेका हुन् । उक्त विमानको बिजनेस क्लासको सिटमुनि मुसाको बथान फेला परेको हो । चालु अवस्थाको विमानमा यतिधेरै संख्याको मुसाको बथान फेला परेको यो विश्वको उड्ययन इतिहासमै पहिलो पटक रहेको बताइन्छ ।
गएको सेप्टेम्बर ३० तारेखका दिन हंगकंगबाट चीनको जियामेन गाओकी विमानस्थलमा उत्रिएको विमानमा चेकजाँचका क्रममा १० वटा मुसाका बच्चा फेला परेका थिए । त्यति ठूलो संख्यामा मुसाका बच्चा फेला परेपछि त्यहाँ माउँ मुसा पनि हुने आशंकामा अधिकारीहरुले मुसाको खोजीलाई तिब्र पारे र अर्को दिन विमानभित्रै माउँ मुसा पनि फेला पर्यो ।
विमानमा मुसा भेटिने बित्तिकै जनस्वास्थ्य संकटकालीन योजना लागु गर्दै उक्त विमानका अरु उडान स्थगित गरिएको थियो । पछि उक्त विमानको पूरै तलासी लिएर त्यसको प्राविधिक अवस्था तथा भित्र अरु मुसा नभएको प्रमाणित भएपछि विमान उडाउन अनुमति दिइएको थियो ।
0 comments
Write Down Your Responses