प्रचण्डको विरोधमा धौलागिरि अञ्चल बन्द
१४ कात्तिक, म्याग्दी । नेकपा-माओवादी नेतृत्वको ३३ दलीय मोर्चाले आज म्याग्दीलगायत धौलागिरि अञ्चलको पर्वत र बागलुङ जिल्लामा यातायात सेवा बन्द गराएको छ ।
बन्दका कारण म्याग्दीका सबै सडकमा यातायात सेवा ठप्प बनेको छ । बिहानैदेखि लामो तथा छोटो दूरीमा सवारीसाधन नचल्दा काम विशेषले हिँडेकाहरु समस्यामा परेका छन् ।
एकीकृत नेकपा माओवादीका अध्यक्ष पुष्पकमल दाहाल सहभागी हुने कार्यक्रमलाई असफल बनाउन भन्दै मोर्चाले यातायात बन्दको घोषणा गरेको हो । अध्यक्ष दाहालले बिहीबार दिउँसो बेनी, बागलुङ र कुस्मामा आयोजना हुने छुट्टाछुट्टै चुनावी सभालाई सम्बोधन गर्ने कार्यक्रम रहेको छ ।
मोर्चाका जिल्ला संयोजक तथा नेकपा-माओवादी म्याग्दीका सहइन्चार्ज मीनबहादुर बानियाँले मुख्य चार राजनीतिक दलका नेतृत्वलाई जिल्ला प्रवेशमा निषेध र अवरोध गर्ने कार्यक्रमअनुसार यातायात बन्द आहृवान गरेको बताउनुभयो ।
१४ कात्तिक, म्याग्दी । नेकपा-माओवादी नेतृत्वको ३३ दलीय मोर्चाले आज म्याग्दीलगायत धौलागिरि अञ्चलको पर्वत र बागलुङ जिल्लामा यातायात सेवा बन्द गराएको छ ।
0 comments
Write Down Your Responses