राँगो र रक्सी कब्जा गर्नोस्ः प्रचण्ड
७ कात्तिक, काठमाडौं । एमाओवादी अध्यक्ष पुष्पकमल दाहालले आफू अध्यक्ष भएको काठमाडौं क्षेत्र-१० का पार्टी कार्यकर्तालाई निर्वाचन जित्न साम,दाम, दण्ड, भेद सबै उपाय प्रयोग गर्न निर्देशन दिएका छन् । क्षत्रे नं १० अन्तरर्गत बुधबार कीर्तिपुरमा घरदैलो कार्यक्रम गरेपछि राराहिल स्कुलमा आयोजित अगुवा कार्यकर्ता प्रशिक्षणमा दाहालले उक्त निर्देशन दिएका हुन् ।
प्रशिक्षणमा निर्देशन दिँदै उनले भने, हामीलाई हार्ने छुट छैन । जे सुकै होस्, हामीले जित्नुपर्छ । साम दाम दण्ड भेद जे गरेर भए पनि जित्नुपर्छ । विपक्षीले राँगो, रक्सी, मोटरसाइकल, पैसा बाँडेर चुनाव जित्ने कोशिस गर्ने बताउँदै उनले भने, पैसा अलि थोरै छ हामीसँग । भए त पैसा पनि बाँड्ने हो । उनीहरुले बाँड्न ल्याएको राँगो, रक्सी, मोटरसाइकल र पैसा कब्जा गर्नोस्, यसले हैन हामीले दिन्छौं भन्दै बाँडिदिनोस् ।
दाहालले काठमाडौं १० मा मात्रै होइन, पार्टीले देशैभरि जित्नुपर्ने र आफूले पाएको मत पहिले भन्दा घट्न नहुने बताएको अन्नपूर्ण पोष्ट दैनिकले आफ्नो समाचारमा लेखेको छ ।
0 comments
Write Down Your Responses