पूर्वप्रधानमन्त्री मरिचमान सिंहको निधन
३१ साउन, काठमाण्डौ । पूर्वप्रधानमन्त्री मरिचमान सिंह श्रेष्ठको निधन भएको छ । क्यान्सर रोगबाट ग्रसित श्रेष्ठको बिहीबार बिहान तीन बजे ७१ बर्षको उमेरमा काठमाण्डौको थापाथलीस्थित नर्भिक अस्पतालमा उपचारका क्रममा निधन भएको हो ।
भारतको मेदान्त अस्पतालमा एक महिनासम्म उपचार गर्दा पनि स्वास्थ्यमा सुधार आउन नसकेपछि सिंहलाई मंगलवार रातिमात्रै एयर एम्बुलेन्समार्फत नेपाल ल्याएर नर्भिक अस्पतालको सघन कक्षमा भर्ना गरिएको थियो ।
सल्यानको खलंगामा ७१ वर्षअघि जन्मनु भएका सिंह कठोर राष्ट्रवादी नेताका रुपमा चिनिनुहुन्थ्यो । सिंह २०४२ देखि ०४६ सम्म प्रधानमन्त्री हुनु भएको थियो । सिंहका श्रीमती तीन छोरा र एक छोरी हुनुहुन्छ । उहाँको पार्थिव शरिरलाई श्रद्धाञ्जलीको लागि काठमाण्डौ धापासीमा राखिने र दिउँसो पशुपति आर्यघाटमा अन्त्येष्टी गरिने पारिवारिक स्रोतले जनाएको छ ।
राष्ट्रवादी र स्वच्छ छविका नेता
श्रेष्ठ राष्ट्रवादी छविका नेताका रुपमा चिनिनुहुन्छ । सल्यान घर भएका सिंह ०४३ सालको आम चुनावपछि ०४३ असार १ देखि ०४६ चैत्र २४ सम्म प्रधानमन्त्री बन्नुभएको थियो । ०४३ को चुनावअघि उहाँ तत्कालीन राष्ट्रिय सभाको अध्यक्ष समेत बन्नुभएको थियो ।०४५ सालमा भारतले नुन तेल लगायतका अत्यावश्यक वस्तुको आयातमाथि प्रतिबन्ध लगाएको र पारवाहन सन्धी सम्बन्धी विवाद परेका बेला श्रेष्ठले लिनुभएको अडानको राष्ट्रवादीहरुले प्रशंसा गर्दै आएका छन् ।
०४६ सालको जनआन्दोलन उत्कर्षमा पुगेका बेला चैत्र २४ गते राजाले सिंहलाई हटाएर लोकेन्द्रबहादुर चन्दलाई प्रधानमन्त्री बनाएका थिए । ०४६ परिवर्तनपछि उहाँ गाईपालन गरेर सादगी जीवन बिताएर बस्नुभएको थियो । ०४३ को चुनावपछि सूर्यबहादुर थापा प्रधानमन्त्री बन्ने चर्चा चलिरहेका बेला प्रधानमन्त्रीको चर्चामै नरहेका सिंहलाई राजाले अकस्मात् प्रधानमन्त्री घोषणा गरेपछि उहाँ राष्ट्रिय राजनीतिको केन्द्रमा आउनुभएको थियो ।
मन्त्रिपरिषदको बैठक बस्दै
मन्त्रिपरिषदको बैठक बस्दै छ । मन्त्रिपरिषदको कार्यालय सिंहदरबारमा विहीवार विहान ११ बजे बस्ने बैठकमा स्वर्गिय पूर्वप्रधानमन्त्री सिंहलाई कस्तो सरकारी सम्मान दिने भन्नेवारेमा निर्णय लिने छ । वैठकले स्वर्गीय पूर्वप्रधानमन्त्री सिंहलाई दिइने सरकारी सम्मान दिने दिने भन्ने विषयमा निर्णय लिने एक मन्त्रीले जानकारी दिए ।onlinekhabar
भारतको मेदान्त अस्पतालमा एक महिनासम्म उपचार गर्दा पनि स्वास्थ्यमा सुधार आउन नसकेपछि सिंहलाई मंगलवार रातिमात्रै एयर एम्बुलेन्समार्फत नेपाल ल्याएर नर्भिक अस्पतालको सघन कक्षमा भर्ना गरिएको थियो ।
0 comments
Write Down Your Responses